أعلنت حاضنة الأعمال EBNI عن فتح باب التقدم لدورتها الجديدة ( الدورة الثالثة ) . و توفر الحاضنة لرواد الأعمال ما يلي ::
أولًا :: مساحة عمل ومعامل مجهزة بكل المعدات والأجهزة اللي هتساعد صاحب كل فكرة مشروع إنه يشتغل على فكرته و يجربها .
ثانيًا :: برنامج تدريبي شامل بقيادة مجموعة من الخبراء والمتخصصين في مجالات التكنولوجيا المختلفة وخصوصًا الـ IOT.
ثالثاً :: إن كنت احد الفائزين في نهاية البرنامج ستكون هناك منحة تمويلية ممكن تصل لـ 200 ألف جنيه، مقدَّمة من أكاديمية البحث العلمي والتكنولوجيا .
يلا جهز فكرة مشروعك، والنموذج الأولي، وفريقك، وسجِّل من خلال اللينك ده:
http://www.ebni.io/en/StaticPages/applynow/
أخر ميعاد للتقديم :: 23 فبراير 2019
و إليك معلومات أكثر عن حاضنة الأعمال EBNI ::
حاضنة الأعمال ابني EBNI تم إنشاؤها من خلال جمعية إتصال و هي منظمة غير هادفة للربح ، و الحاضنة متخصصة في إنترنت الأشياء IOT و تحدياً في صناعة الهاردوير بالإعتماد علي إنترنت الأشياء .
ما هي إنترنت الأشياء IOT ?
هو مصطلح ظهر حديثاً و يقصد به الجيل الجديد من الإنترنت الذي يتيح التفاهم بين الأجهزة المترابطة مع بعضها . و تشمل هذه الأجهزة المستشعرات و الحساسات و أدوات الذكاء الإصطناعي المختلفة و غيرها من الأجهزة . ” تعريف ويكيبديا “
كل يوم تكنولوجيا الـ IOT بتتطوّر أكتر وأكتر وبتدخل في مجالات ماكانتش موجودة فيها قبل كده، وباختلاف المجالات اللي بتُستخدم فيها التكنولوجيا دي، ظهرت مصطلحات زي Consumer IOT وIndustrial IOT واهتمامنا في البوست ده، الـ Social IOT.
الـ Social IOT باختصار يعني استخدام تكنولوجيا الـ IOT في التواصل مع الأجهزة الذكية في البيت أو بره البيت عن طريق تطبيقات السوشيال ميديا.
من خلال التكنولوجيا دي، يقدر الإنسان إنه يبعت رسالة بأمر معيّن على واتساب مثلًا للثلّاجة الذكية بتاعته والثلّاجة لما تستقبل الرسالة دي تنفّذ الأمر بكل سلاسة وفي أسرع وقت.
وفي البلاد اللي درجة الحرارة فيها بتبقى مرتفعة جدًا في فصل الصيف، ممكن تبعت تويت لعربيتك الذكية عشان تشغّل التكييف قبل ما تركبها بفترة، بحيث إنك أول ما تركب العربية ماتحسّش بالحرارة العالية وتلاقي جوّها لطيف.
دول مجرّد مثالين على المميزات الكتيرة اللي بيوفّرها الـ Social IOT، وطبعًا في غيرهم أمثلة كتير كلها بتبيّن قد إيه تكنولوجيا الـ IOT مفيدة جدًا ومهمة في جعل حياة الناس أفضل وأسهل.
دول كتير جدًا النهارده بتعتمد على الصناعة كمصدر دخل رئيسي، وعشان كده الـ Industrial IOT أصبح واحد من القطاعات المهمة في العالم، واللي بيهدف لاستغلال القدرات الهائلة اللي بتتيحها تكنولوجيا الـ IOT لتحسين جودة الإنتاج وتخفيض تكاليفه.
من المتوقّع وصول حجم إنفاق المصنّعين على الـ IOT في عام 2020 لـ 70 مليار دولار، وده اللي هيترتّب عليه تقليل مراحل الإنتاج وخفض تكاليفه بنسبة 50%…إحصائية مُذهلة الحقيقة وبتبيّن قد إيه استخدام الـ IOT في مجال الصناعة ممكن يكون له تأثير إيجابي جدًا.
لو حبينا نضرب مثال على تأثير الـ IOT في مرحلة التصنيع، فممكن نبُص على بعض الأجهزة والمعدّات المُستخدمة في المصانع، واللي بتعمل تحت ظروف ودرجات حرارة معّينة…باستخدام مستشعرات الـ IOT، هيتم تنبيه المُشرفين على الأجهزة والمعدّات دي في حالة حدوث أي خلل أو مشكلة عشان يتدخّلوا في الحال…ومفيش شك طبعًا إن ضمان عمل الأجهزة والمعدّات دي بكفاءة مستمرة في الظروف المناسبة ليها هيقلل من استخدام الطاقة ويخفّض تكاليف صيانتها.
و يمكنكم التعرف أكثر فأكثر علي إنترنت الأشياء من خلال الإنترنت التي تمتليء بالعديد و العديد من الفيديوهات و المقالات التي تشرح بإستفاضة ماهية إنترنت الأشياء IOT .