قصة النجاح هذه هي قصة نجاح فريق عمل في تحقيق هدفه
المكان :: قرية سيلا بمحافظة الفيوم
أعضاء فريق العمل :: فلاحو قرية سيلا
الهدف :: تركيب ساقية عملاقة قطرها 8 متر مصنوعة من الحديد و الخشب
التوقيت :: عام 2014
الساقية دي هيا اكبر ساقية في الفيوم و في مصر كلها وده لأن الفيوم تعتبر المحافظة الوحيدة ال بتستخدم السواقي في ري الاراضي وده لأن الفيوم منخفض و اراضي كتير فيها اعلى من منسوب البحر لذلك يستخدمون السواقي او المواتير، والساقية دي قطرها 8 متر و وزنها حوالي من 4 ل 5 طن و تكلفتها حوالي 30 الف و هي تكلفة قابلة للزيادة أو النقصان بحسب سعر الخشب ، و يتم تجديد الساقية بالكامل كل 5 او 6 سنين على حسب حالة الخشب ويتم تجهيزها في منزل عائلة المدني وهم احد المستفيدين من الساقية ثم نقلها بواسطة رجال القرية والمشي بها حوالي 500 متر، وده لأن مفيش مكان جنب مكان الساقية يسمح انها تتصنع فيه و الطريق ال بيوصل ليها ميسمحش انه يمشي فيه عربيات ولا اوناش عشان كدة مينفعش يشلها الا الرجالة ال بيطلع عنيها، و بيتم عمل صيانة دورية للساقية كل سنة في السدة الشتوية وتكلفة الصيانة 100 جنية للفدان كل موسم زراعة، والساقية دي بتروي 80 فدان، و القائم على تكلفتها ومصاريف الصيانة هم المستفيدين، والقائم بتصنيعها حاليا هو الحج روبي و ابن اخيه الحج احمد وهو موظف في المحكمة و عائلتهم، والعمل عليها متوارث من جدودهم وهما اكتر ناس مشهورة بتصنيع السواقي في الفيوم
يقول مصور هذا الحدث المهندس سابقاً و المصور حالياً / محمد رحيم و الذي يستحق التقدير علي قيامه بتصوير هذا الحدث و تعريف المصريين و العالم بما يفعله الفلاحون المصريون في هدوء و في صمت حتي يستطيعوا مواصلة زراعة أراضيهم ::
أنا فخور إني حضرت حاجة زي دي و صورتها و بوريهاللناس .. الحمد لله
لمشاهدة صور هذا العمل إضغط هنـــــــــا
