زمان قالوا، أكبر منك بيوم يعرف عنك بسنة طيب واللي بدأ قبلك بيوم يعرف عنك بقد أيه؟
مجال ريادة الأعمال مجال بيكبر في مصر وبينموا كل يوم بمشروع جديد، شخص قرر إنه يفكر في حل لمشكلة بتواجه المجتمع ويشارك الحل ده مع محيطه من خلال مشروع.
لو أنت مهتم بمجال ريادة الأعمال ونفسك تتعلم من خلال التعرف على خبرات أشخاص بدأوا في المجال بالفعل، تسمع منهم وتلاقي إجابات على أسئلتك، لو عندك فكرة وعايز تعرف إزاى تقدر تستغلها في إطار مشروع يفيد المجتمع، لو عندك خبرة بسيطة عايز تشاركها مع أصحاب المشاريع الأخري أو حتي حابب تتواصل أكتر مع منظومة ريادة الأعمال يبقي أكيد الأيفينت ده هيفيدك.
Startup Huddle Cairo Edition بالتعاون مع 302 Labs هو حدث شهري بيجمع بين المبدعين المهتمين بمجال ريادة الأعمال ومساعدتهم في توسيع دائرة معارفهم في مجتمع رواد الأعمال وينموا مهارتهم من خلال الإستماع لتجارب أتنين من أصحاب ال Startups اللي بيتم إستضافتهم.
في الجزء الأول من الإيفينت كل مشروع بيعرض فكرته، الطريق اللي كل مشروع أخده لتحقيق الفكرة بالإضافة للتحديات اللي واجهوها، الجزء التاني بيكون مخصص للأسئلة والمناقشة بين أصحاب الـ startups والحضور بشكل يفيد الحضور من خبرتهم وكمان لو لسه في أى تحديات بتواجه الـ startups ممكن يناقشوها معاهم لمحاولة الوصول لحلول عملية.
موضوعنا في Startup Huddle Cairo Edition 4 هيكون عن ال online platforms أو المشروعات اللي بتقدم حلول عملية عن طريق الانترنت عشان تسهل تجربة المستخدمين بأسهل وأسرع وسيلة وهيكون معانا مؤسسين مشروعات إستطاعوا أنهم يعملوا مشاريعهم لتقديم خدمات عن طريق الانترنت وهيتكلموا عن تجربتهم أكتر والخدمات اللي بيوفروها هيكون معانا مرجع و Imaginators هنستناكوا يوم الخميس 30/8 من 6:30 ل 10:00 م في مقر 302 Labs
فعاليات ستارت اب هادل تنظمها كلاً من :: ” مكسبي ” – و – GEN Egypt برعاية شركة تطوير مصر
العنوان: 7 شارع وهران، تاني يميمن من مطعم كنتاكي شارع الطيران، مدينة نصر، القاهرة، مصر
تكلفة الحضور: 50 جنيه
عشان تقدر تحضر سجل من هنا:
https://goo.gl/forms/0sTiVHAZQMOiteLb2
صفحة الفعالية ستارت اب هادل 4 Startup Huddle Cairo علي الفيس بوك هنــــــــــــــــا .